Prassi tajba
Organizzazzjoni żgħira li taħdem għall-ġid taż-żgħażagħ, li tipprovdi servizzi ta' appoġġ soċjali għal żgħażagħ bil-problemi, sabet li l-ħaddiema tagħha li kellhom aktar minn 50 sena kienu regolarment assenti jew ma kinux imorru xogħol bis-sick leave fuq żmien fit-tul. F'tentattiv biex iżżomm dawn il-ħaddiema ta’ esperjenza, twaqqaf proġett pilota bil-mira li r-rwoli tagħhom jitfasslu mill-ġdid permezz tal-parteċipazzjoni.
Kumpanija kbira tal-minjieri tal-faħam identifikat rati tal-assenza minħabba mard u problemi muskoloskeletali fost il-ħaddiema tagħha. Il-kumpanija tat bidu għal programm biex titnaqqas l-assenza minħabba mard u l-inċidenza ta' problemi muskoloskeletali (MSDs) permezz ta' prevenzjoni. Kellu wkoll l-għan li jtejjeb is-saħħa tal-ħaddiema b'attivitajiet ta' sensibilizzazzjoni u promozzjoni tas-saħħa.
Organizzazzjoni żgħira li toffri servizzi ta’ appoġġ familjari għandha ħaddiema nisa biss li kienu qed ibatu minn livell sinjifikanti ta' stress u meqruda bix-xogħol minħabba l-esiġenzi emozzjonali għoljin li joħloq xogħol bħal dan. Kellhom bżonn isibu mod biex ittejjeb il-kundizzjonijiet tax-xogħol ħalli jitnaqqas il-bdil kontinwu tal-ħaddiema.
Kumpanija tas-servizzi tal-ajruporti għandha 500 impjegat, fejn nofshom jaħdmu bix-xift. Fi snin riċenti, il-kumpanija identifikat problema dejjem tikber fejn tidħol l-assenza minħabba mard u bid- okkupazzjonali. Tat bidu għal programm biex itejjeb il-saħħa ġenerali u l-bilanċ bejn ix-xogħol u l-ħajja privata tal-ħaddiema billi ħadet ħarset lejn il-kwalità tal-ħajja fit-tul.
Kumpanija multinazzjonali kbira tat bidu għal programm għall-promozzjoni tas-saħħa biex jinħolqu postijiet tax-xogħol b'livelli ta' saħħa aħjar għall-etajiet kollha. Għarfet li l-ħaddiema kienu mmotivati b'affarijiet differenti u ppjanat li toħloq programm b'xi ħaġa għal kulħadd.
Kumpanija tas-siment timpjega 200 ħaddiem, fejn kważi terz minnhom għandhom aktar minn 50 sena. Billi ħaddiema aktar anzjani huma f'riskju ogħla ta' inċidenti fuq il-post tax-xogħol, il-kumpanja xtaqet tara li x-xogħol ikollu livelli ta' saħħa aħjar u jkun aktar sigur għal kulħadd.
Negozjant jimpjega aktar minn 600 impjegat, li 20% minnhom għandhom aktar minn 57 sena. Il-linji tal-produzzjoni jeħtieġu grad għoli ta' speċjalizzazzjoni fil-kompitu, u għalhekk hija spiża kbira biex jitqabbdu u jitħarrġu impjegati ġodda. Sabiex tiġi aċċertata l-kontinwità tal-produzzjoni u jitnaqqas il-moviment tal-ħaddiema, kif ukoll biex jiġi evitat it-tnaqqis ta' ħiliet u esperjenzi prezzjużi, il-kumpanija introduċiet skema ta' mentoring.
Fabbrika tal-ħjata li timpjega 3000 ruħ irċeviet ilmenti mill-impjegati dwar ix-xogħol u l-kundizzjonijiet tax-xogħol. Il-movimenti kienu ripetittivi u kkawżaw strapazz fl-għajnejn u kien hemm espożizzjoni kontinwa għall-istorbju u l-vibrazzjoni. Minħabba dan, il-kwalità tax-xogħol naqset, u dan wassal għal ilmenti mill-klijenti. Il-kumpanija ddeċidiet li tindirizza l-problemi billi tejbet l-ambjent tax-xogħol.
Negozju żgħir tal-bjut u s-soqfa kien qed jaffaċċja rati għoljin ta' problemi marbutin mas-saħħa fiżika, minħabba x-xogħol iebes fuq barra. Minħabba li l-ħaddiema tiegħu kienu qed jixjieħu, il-korrimenti u l- fuq żmien fit-tul, regolarment kienu qed iżommu tlieta minn għaxar impjegati d-dar u bis-sick leave. Il-kumpanija rrealizzat li kellha bżonn tindirizza l-problema.
Il-maġġoranza tal-istaff li jaħdem ma' kumpanija tat-tibjid għandhom aktar minn 55 sena. Billi kien hemm numru kbir ta’ assenzi minħabba mard u staff li kien qed jagħżlu rtirar bikri, il-kumpanija kienet qed taffaċċja nuqqas ta' ħaddiema. Il-kumpanija rrealizzat li kien jeħtiġilha timplimenta programm ta’ mmaniġjar tal-età biex tgħin l-ħaddiema aktar anzjani tagħha.