Hvað er heilsuefling á vinnustað?
Evrópska samstarfsnefndin um heilsueflingu á vinnustöðum hefur skilgreint heilsueflingu á vinnustöðum sem sameiginlegt verkefni vinnuveitenda, starfsmanna og samfélagsins alls sem miðar að því að bæta heilsu og líðan vinnandi fólks. Með heilsueflingu á vinnustöðum er stefnt að því að bæta vinnuskipulag og vinnuumhverfi, hvetja til virkrar þátttöku og stuðla að stöðugum þroska einstaklingsins. Heilsueflingu á vinnustöðum er ætlað að efla mannauð vinnustaða með bættri heilsu og líðan.
Heilsuefling á vinnustað tekur m.a. til:
- Heilbrigðisfræðslu og þjálfunar;
- Jafnvægis milli vinnu og einkalífs (félagsleg tengsl, velferð fjölskyldunnar, hvernig ferðast er til og frá vinnu);
- Streitu og andlegrar líðanar; og
- Lífsstíls (næring, líkamsrækt, reykingar og áfengisneysla).
Hlutverk sérfræðinga í vinnuvernd
Sérfræðingar í vinnuvernd gegna mikilvægu hlutverki í að tryggja að aðgerðir til að tryggja heilbrigði og vellíðan á vinnustað nái tilætluðum árangri. Brýnt er einnig að vinna náið með vinnuveitanda og mannauðsdeild í þessu samhengi.