Ávinningur af heilsueflandi vinnustöðum
Ávinningur af heilsueflingu fyrir starfsfólk er:
- Bætt heilsa og vellíðan;
- Aukin starfsánægja;
- Minni streita og betri tæki til að glíma við streitu; og
- Meiri þekking á heilsuvernd og aukin geta til að hlúa að heilsunni.
Heilsuefling á vinnustað er skilvirk þegar:
- Hún er tengd vinnuverndarráðstöfunum;
- Aðgerðir eru byggðar á þarfagreiningu og ráðstafanir eru sniðnar að fyrirtækinu eða stofnuninni; og
- Vinnuveitendur, starfsmenn og fulltrúar þeirra eru hafðir með í ráðum.
Samþætting vinnuverndar og heilsueflingar á vinnustað
Áður fyrr litu menn á vinnuvernd og heilsueflingu á vinnustað sem tvö ólík svið og töldu að heilsuefling á vinnustað fælist einkum í aðgerðum til að stuðla að heilbrigðum lífsstíl starfsfólks. Í dag spannar heilsuefling á vinnustað mun víðara svið sem tekur til ýmissa vinnuverndarmála, s.s. vinnuskipulags, og andlegrar og líkamlegrar heilsu.
Rannsóknir sýna að heildstæð stefna og framkvæmd sem tekur bæði á vinnuumhverfinu (vinnuvistfræðilegum þáttum og vinnuskipulagi) og einstaklingsbundinni heilsufarsáhættu starfsfólks er árangursríkt tæki til að koma í veg fyrir sjúkdóma og bæta hollustuhætti og öryggi á vinnustöðum.
Tenging heilsueflingar við vinnuvernd bætir heilsuvernd á vinnustað, styrkir forvarnir og stuðlar að því að skapa heilsueflandi vinnustað.
Hér (tengill á fyrirmyndarverkefni) er að finna dæmi um áætlanir nokkurra fyrirtækja og stofnana um heilsueflingu á vinnustað sem tengd er vinnuvernd.