---> Stoðkerfi (vöðvar, bein, liðir, liðbönd og sinar)
Skert hreyfigeta, stirðleiki, beinþynning.Hugsanleg áhrif á starfsgetu
- Starfsmenn eiga erfiðara með störf sem krefjast fjölbreyttra hreyfinga.
- Starfsmenn eiga erfiðara með störf sem krefjast þess að byrðar séu handleiknar.
- Aukin hætta á stoðkerfissvandamálum þar sem eldra starfsfólk reynir hlutfallslega meira á sig.
- Aukin hætta á beinbrotum.
Vinnuverndaraðgerðir
- Greint hvaða hópar eða einstaklingar eiga í erfiðleikum, t.d. með því að rekja verki og stoðkerfisvandamál til tiltekinna verkþátta eða vinnustöðva.
- Einhæfum hreyfingum fækkað með því að starfsmenn skiptast reglulega á að gegna starfinu og tekin eru stutt hlé reglulega.
- Komið í veg fyrir að starfsmenn séu lengi í sömu stellingu (stöðug seta eða staða í sömu líkamsstöðu).
- Starfið skipulagt þannig að það gefi kost á hreyfingu og mismunandi líkamsstöðu. Reynt að koma í veg fyrir miklar beygjur og aðrar hreyfingar sem reyna á liðina.
- Tæki og tól henta verkinu og notandanum.
Vöðvarýrnun og minna þol (skerðing um u.þ.b. 20-40% frá 20 til 60 ára aldurs).
Hugsanleg áhrif á starfsgetu
- Starfsmenn eiga erfiðara með að gegna störfum sem krefjast mikils líkamlegs styrks.
- Starfsmenn eiga erfiðara með störf sem krefjast þess að byrðar séu handleiknar.
- Aukin hætta á stoðkerfisvandamálum þar sem eldra starfsfólk reynir hlutfallslega meira á sig.
Vinnuverndaraðgerðir
- Komið í veg fyrir stöðuga setu eða stöðu í sömu líkamsstöðu og reynt að blanda hreyfingu inn í verkþætti.
- Verkum sem krefjast þess að snúið sé upp á bolinn og lyft um leið fækkað. Tryggt að hlutum sé lyft úr mittishæð.
- Tryggja að verk séu unnin milli læra og axla (forðast beygjur og lyftur).
- Lyftur eða önnur tæki nýtt til að lyfta þungum hlutum og minnka álag.
- Tíðum, stuttum hléum fjölgað.
- Vinnustaðurinn aðlagaður til að gera starfsmönnum kleift að athafna sig auðveldlega (auður gangvegur, aðgengileg geymsla og verkfæri).
- Verkfæri með góðu gripi.
- Verkfæri með löngum sköftum svo starfsmenn þurfi síður að bogra við verkin.
- Leiðbeiningar og þjálfun varðandi lyftur, setu, stöðu, beygjur og teygjur.