Heilsusamlegt vinnuumhverf, þar sem heilsuefling eykur þekkingu og getu starfsfólks til að hafa áhrif á eigin heilsu, skila ávinningi fyrir hvort tveggja starfsfólkið og atvinnurekandann. Heilsuefling hefur marga kosti í för með sér fyrir  vinnustaðinn, t.d.:

• Bætta heilsu og vellíðan starfsfólks;
• Minni fjarvistir og minni starfsmannaveltu;
• Minni kostnað við heilbrigðisþjónustu og tryggingar;
• Styrkari ráðningarsambönd;
• Bættan starfsanda og betra andrúmsloft á vinnustað;
• Meiri framleiðni og aukin afköst; og
• Betri ímynd fyrirtækis eða stofnunar.

Ávinningur af heilsueflingu fyrir starfsfólk er: 

• Bætt heilsa og vellíðan;
• Aukin starfsánægja;
• Minni streita og betri tæki til að glíma við streitu; og
• Betri þekking á heilsuvernd og aukin geta til að hlúa að heilsunni. 

Í næsta kafla er að finna nánari upplýsingar um hvað þarf til að áætlun um heilsueflingu á vinnustað skili árangri.