Dæmi um fyrirmyndarverkefni
Stefna um fjarvistastjórnun og fötlun
Fyrirtæki í flugvallaþjónustu er með 500 starfsmenn í vinnu; meira en helmingur þeirra er í vaktavinnu. Á undanförnum árum hafa fjarvistir vegna veikinda og örorku aukist stöðugt. Þar sem umtalsverður kostnaður fylgdi fjarvistum ákváðu stjórnendur því að grípa til aðgerða til að stuðla að jafnvægi milli vinnu og einkalífs hjá starfsmönnum og bæta heilsufar almennt.
Ljóst var að fyrirtækið varð að gera breytingar en einnig starfsmennirnir sjálfir. Stjórnendum og almennum starfsmönnum var falið að gera áætlun um breytingar á vinnuaðstæðum en einnig á lífsstíl starfsmanna. Starfsfólki eldra en 55 ára var boðinn sveigjanlegur vinnutími, aukinn hvíldartími heima á milli vakta og gefinn kostur á flutningi/endurþjálfun til nýs starfs. Að auki var boðið upp á heilsufarseftirlit og heilsutengda fyrirlestra á vinnustaðnum.
Stjórn fyrirtækisins fékk einnig þjálfun í því að fást við málefni eldi starfsmanna. Áætlunin fækkaði fjarvistum vegna veikinda, færri greindust með starfstengda örorku og almennt fóru starfsmenn á eftirlaun þremur árum seinna en áður. Síðast en ekki síst jókst starfsánægja á vinnustaðnum um 90%.