Mobilità mnaqqsa u ġogi aktar ebsin, aktar fraġilità tal-għadamImpatt potenzjali fuq ix-xogħol

• Jista' jkun hemm impatt fuq impjiegi fejn in-nies jużaw firxa wiesgħa ta' movimenti.
• Impjiegi fejn hemm involut l-immaniġġjar manwali.
• Riskju akbar ta' korrimenti muskoloskeletali, billi ħaddiema aktar anzjani jistgħu jkunu qed jaħdmu aktar qrib il-livelli massimi tagħhom stess.
• Riskju miżjud ta' ksur tal-għadam

Kif tindirizza bidliet permezz tal-immaniġjar tas-sigurtà u s-saħħa

• Identifika fejn il-gruppi jew l-individwi qed ikollhom diffikultajiet. Pereżempju, skopri jekk l-uġigħ u l-iskumdità muskoloskeletali fil-ħaddiema fis-suq tax-xogħol hijiex assoċjata ma' kompiti jew stazzjonijiet tax-xogħol partikolari.
• Evita xogħol ripetittiv billi tinkorpora r-rotazzjoni tal-impjiegi u tippermetti brejks (qosra) regolari.
• Evita pożizzjonijiet fissi (li ħaddiema joqogħdu bilqiegħda jew bilwieqfa għal tul ta' ħin).
• Fassal ix-xogħol biex tippermetti moviment u bidla fil-pożizzjoni. Barra dan, evita tgħawwiġ fit-tul u esiġenzi estremi oħra fuq il-ġogi.
• Ipprovdi għodod li huma mfassla għall-kompitu u għall-utent.

Tnaqqis fis-saħħa u r-reżistenza tal-muskoli (tnaqqis ta' madwar 20-40% bejn l-etajiet ta' bejn  l-20 u s-60 sena)

Impatt potenzjali fuq ix-xogħol

• Jista' jkollu implikazzjonijiet għal impjiegi li huma esiġenti fiżikament fejn hemm meħtieġa livelli għoljin ta' saħħa.
• Impjiegi fejn hemm involut l-immaniġġjar manwali
• Riskju akbar ta' korrimenti muskoloskeletali, billi ħaddiema aktar anzjani jistgħu jkunu qed jaħdmu aktar qrib il-kapaċità massima tagħhom stess.

Kif tindirizza bidliet permezz tal-immaniġjar tas-sigurtà u s-saħħa

• Evita pożizzjonijiet fissi (bilqiegħda jew bilwieqfa) u fassal moviment fil-kompiti tax-xogħol. 
• Evita kompiti li jeħtieġu li jitgħawweġ it-torso waqt l-irfigħ. Aċċerta li l-oġġetti jintrefgħu mil-livell tal-qadd. 
• Aċċerta li l-attività tax-xogħol titwettaq bejn il-koxxtejn u l-ispalel (biex tevita l-liwi u l-irfigħ).
• Ikkunsidra għajnuniet għall-irfigħ jew modi oħra biex titnaqqas it-tagħbija.
• Skeda brejks (qosra) frekwenti.
• Adatta l-post tax-xogħol biex tippermetti l-moviment effettiv tal-ħaddiema (passaġġ miftuħ, ħażna u għodod aċċessibbli).
• Ipprovdi għodod li jistgħu jinqabdu sew
• Ipprovdi għodod b'manku twil biex tnaqqas il-liwi
• Ipprovdi linji gwida u taħriġ għal: irfigħ, qgħad bilqiegħda u bilwieqfa, liwi u tiġbid.